ORANJESTAD (AAN): Minister Arends, como e mandatario encarga cu transporte publico, ta anuncia e siguiente paso den e proceso di digitalisa e aplicacion pa permiso.
Dentro di e cartera di transporte a bin encontra various retonan den transporte publico. Un di e retonan cu a wordo presenta ta e proceso di pidi permiso pa transporte publico, entre otro, taxi, T-, O-vergunning.
Den colaboracion cu DTP y otro stakeholder manera Bureau Interne Dienst a bin ta busca solucionnan. Diaranson 29 di november Ministerio di Transporte a lansa un formulario digital pa esnan cu a haci peticion pa permiso di taxi den pasado, pa asina por confirma nan interes actual.
E meta ta pa centralisa e peticionnan bou di Departamento di Transporte Publico (DTP) pa yuda trece mas structura y claridad den e proceso di peticion di permiso. E formulario aki lo ta disponibel di 1 di december 2023 te cu 1 februari 2024 riba www.bid.aw .
Pa asistencia cu e formulario por tuma contacto cu oficina di BID pa traha un cita telefonicamente via 583-4114 of via email na Cette adresse e-mail est protégée contre les robots spammeurs. Vous devez activer le JavaScript pour la visualiser. .
Hunto cu Bureau Interne Dienst (BID) ta trahando duro pa digitalisa e procesonan di DTP pa asina brinda mas claridad riba e proceso di atende cu peticion p.e. esnan concerni por busca e status di nan peticion haci na DTP. Esaki ta forma parti di esfuersonan pa aporta na trece transparencia den procesonan andando.
Minister Arends ta enfatisa cu e formulario digital ta disponibel solamente pa esnan cu ya a entrega un peticion pa permiso di taxi den pasado, mirando cu esaki ta e tipo di permiso mas pidi. Pa medio di e formulario digital, lo traha un lista di tur peticion pendiente a base di fecha cronologico. Lo sigui traha pa modernisa e servicionan y haci nan mas accesibel na comunidad.
"Nos compromiso ta pa trece transparencia y eficiencia dentro di proceduranan gubernamental, y e introduccion di e formulario digital ta un parti importante di e avansenan cu nos ta realisando den e tereno aki," segun Minister Ursell Arends.
