Mike ta bira mas gracioso mientras su edad ta subi den su Penthouse --- *Fondo Desaroyo Nobo San Nicolas a bira crimen pafor di Parlamento --- *Acuerdo cu Nicolaas pa Citgo y fondo 1.6 Biyon a keda asunto priva
ORANJESTAD(AAN)—Den tur e problemanan cu tras di cortina e ta causa pa Aruba, ayera Mike a bolbe demostra cu e ta un persona gracioso.
Hasta por yega na e conclusion cu Mike ta bira mas gracioso mientras su edad ta subi den su Penthouse.
Pa Mike mester ta dificil cu for di 2017, e no por baha for di su Penthouse tur dia y cruza caya pa yega Oficina di Gobierno.
Con gracioso Mike ta keda, sinembargo, a bini dilanti ora un Mike furioso a exigi Glenbert entrega e acuerdo cu Glenbert a firma cu Eagle.
Manera un guerero cu ta lucha contra solo, Mike a presenta den medionan di comunicacion pa exigi Glenbert entrega e acuerdo cu Glenbert a firma cu Eagle LNG pa e proyecto di gas.
Un proyecto cu mester ta manda holor di gas den direccion di Mike Eman, cu por splica tur generacion di Arubiano cu ainda mester nace, kico ta un negoshi di gas cu e kier a firma cu Gasunie, cu lo a beneficia di e presencia di Nicolaas Maduro.
Aruba a hari ora Mike a exigi e documentonan cu a wordo firma pasobra Aruba ta corda con Mike Eman a nenga Parlamento di mira e Acuerdo di Citgo cu el a firma cu Nicolaas Maduro y cu a pone mundo haci bofon di Aruba.
Mike Eman tabata tin e curashi di trece dilanti cu e mester ricibi e acuerdo for di man di Glenbert.
Aruba a keda asombra di e vigor cu Mike a demostra na su edad di 60+.
Awor Mike kier haci uzo di e Ley riba cual el a trapa ora el a bay haci Aruba rehen economico di Nicolaas Maduro y asina presenta Aruba e fantasia di Citgo, cu a malogra e pais y a pala e rapport Refineria di Aruba atras.
Mike Eman ta lubida aparentemente cu su su ruman Henny tambe a lubida di reconoce Parlamento na varios ocasion ora segun e rapport Fondo Desaroyo Nobo San Nicolas, placa di Aruba tabata biaha di un punta pa otro na forma ilegal.
Mike Eman ta lubida con Parlamento cu tabata tin e mayoria di AVP, a entrega su persona e fondo di 1.6 Biyon cu el a spart hunto cu Benny Sevinger sin cu ni Hulanda por a controla.
Te awor por a pensa cu Mike no conoce ley aunke el a studia ley y bira notario.
Pero awor Mike a duna prueba, cu e ta na haltura cu como Prome Ministro el a horca Aruba ora el a entrega refineria di Aruba na Nicolas Maduro, cu sigur no por wordo compara cu Eagle LNG y no un dictador di mala fama.
Ayera Mike a entrega prueba cu concientemente el a trapa riba Parlamento di Aruba, cu el a condena na entrega Nicolas Maduro beneficionan y a baha e dignidad di Miembro di Parlamento te na suela ora el a pone su hendenan di confiansa controla Miembronan di Parlamento.
Tin un lista di momentonan cu Mike a trapa riba democracia, cu mester sirbi pa
Mike keda gracioso. E ta sigui duna prueba di sanger di dictador cu derechonan exclusivo den un Pueblo cu for di su Penthouse den haltura, e ta sinta observa te abou riba caya.
