ORANJESTAD (AAN): Tabata Dialuna anochi cu e sorteo di Lotto di Dia tabatin e numbernan ganador aki: 04, 07, 09, 11, y 12.
Esey ta exactamente e numbernan cu Jundrick a cumpra, pues el a gana e premio gordo! Pa tal motibo riba Diamars mes el a acudi na oficina di Lotto na Playa pa reclama su premio.
Aki mesora nan a scan e barcode di e ticket, cu a indica inmediatamente cu Jundrick a bira e feliz ganador di 65.000 Florin cu Lotto di Dia.
Asina a cuminza cu e proceso pa transferi e premio electronicamente pa su cuenta di banco. Jundrick a indica cu e ticket ganador el a cumpra na Lucky Lotto Corner.
