ORANJESTAD (AAN); Un di e weganan di mas popular di Lotto, keto bay ta esun di Zodiac.
Aki bo ta escoge un number consistiendo di cuatro cifra, y bo ta agrega un signo zodiacal, y ya bo ta den wega.
Esey ta loke Julgerson a haci tambe, y a bira feliz pa nota cu el a gana. Pesey mes riba Diabierna el a acudi na oficina di Lotto na Playa pa reclama su premio.
Aki e funcionarionan di Lotto a revisa e ticket y check si el a pone su firma y su numbernan di cuenta di banco. Ora cu a scan e barcode, e computer a confirma cu Julgerson a gana 12.500 Florin cu e wega di Zodiac Merdia.
Inmediatamente a sigui cu e proceso pa transferi e premio electronicamente pa su cuenta di banco. Julgerson a splica cu e ticket ganador el a cumpra na Manton II Lottery.
