No por descarta presencia di variante na Aruba --- ORANJESTAD (AAN): Te cu dialuna, na Aruba no a wordo raporta ainda e prome caso di e variante Omicron,
cual ya caba ta presenta na Merca y algun pais di America Latina. Den mas di 60 pais ya caba tin e presencia di e variante aki.
Esaki no ta exclui e posibilidad cu e variante lo por a drenta Aruba caba. Mester tene cuenta cu e variante aki ta hopi contagioso, apesar cu su sintomanan parce di ta mas leve compara cu e variante Delta, cual a causa hopi caso y fayecimento aki na Aruba.
Ta solamente warda pa e casonan no subi asina hopi den e temporada aki di fin di aña unda hende ta move mas, tin hopi fiesta y aglomeracion.
Januari 2022 lo ta un luna crucial pa loke ta e posibel aparicion di Omicron na Aruba. Den e luna aki lo haya sa con e situacion a bay den fin di aña.
