ORANJESTAD (AAN): Atencion tur persona cu tin yiu cu lo tin di bay cuminza cu Kleuterschool (Scol Preparatorio).
Hecho ta cu inscripcion ta habri pa tur mucha cu ta bay haci 4 den aña 2024. Mayornan cu ta desea pa nan yiunan bay un kleuter di SKOA por cuminsa cu e proceso di inscripcion pa asina sigura nan luga pa e aña escolar venidero.
Mayornan por scoge di diferente kleuter cu ta resorta bou di SKOA. Pa haya mas informacion di tur e scolnan di kleuter por bishita:
Con bo por inscribi na SKOA: Por inscribi via e website www.skoa.aw completamente online. Por inscribi via email door di manda SKOA un email na Cette adresse e-mail est protégée contre les robots spammeurs. Vous devez activer le JavaScript pour la visualiser.. Por inscribi via WhatsApp door di manda un mensahe directo na +297 748-5995 y sigui e proceso pa completa e inscripcion.
Pa mayornan cu ya caba tin yiu inscribi na SKOA por haci inscripcion di e yiu cu tin cu cuminsa kleuter via nos systema di SAS. Ora di inscribi mester pone bon atencion ariba e documentonan cu ta necesario pa asina por cumpli cu e proceso di inscripcion di bo yiu.
Mayornan cu inscribi nan yiu ta haya un periodo di 6 siman pa asina por cumpli cu e prome pago of pago completo di schoolgeld pa e aña escolar venidero. Despues di 2 siman, si e pago no a worde completa, e cupo di inscripcion ta worde cancela cu consecuencia cu no lo bay tin un luga sigura pa e yiu cuminsa kleuter e proximo aña escolar.
No tarda pa inscribi bo yiu na e scol di bo escogencia paso cuponan ta limita. Pa mas informacion tocante inscripcion na SKOA por bishita nos website www.skoa.aw of por yama na liña directo 523-1800.
