ORANJESTAD (AAN): Na luna di maart, inscripcion ta bay habri na SKOA pa inscribi muchanan y alumnonan cu ta bay atende basis y mavo.
Mayornan por cuminsa inscribi nan yiunan na un scol cu ta resorts bou di SKOA pa asina sigura nan luga e proximo aña escolar.
E meta primordial na SKOA tapa enfoca ariba e desaroyo y crecemento di cada mucha y alumno. Skoa ta ofrece educacion di calidad cu ta enfatisa ariba e balornan Catolico, comunicacion na nivel multilingual, diversidad, innovacion y actividadnan extra-curicular. Ademas mayornan por scoge e scol pa nan yiu pa asina sigura cu nan ta bon prepara pa nan futuro.
Inscripcion completamente online: Por inscribi via website www.skoa.aw pa asina inscribi completamente online. Por inscribi via email na Cette adresse e-mail est protégée contre les robots spammeurs. Vous devez activer le JavaScript pour la visualiser.. Por inscribi tambe via WhatsApp na +297 748-5995 y sigui e pasonan pa completa e inscripcion. Ora di inscribi mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente. Pa mayornan cu ya caba tin yiu inscribi na SKOA por haci inscripcion di e yiu cu ta bay cuminsa basis via nos systema di SAS.
SKOA ta duna guia na tur mayor durante e proceso di inscripcion. Pa mas informacion bishita nos website www.skoa.aw of por yama directo na 523-1800 durante orario di oficina.
Contribucion di mayor: E tarifa di contribucion di mayor pa e proximo aña escolar pa basis y mavo ta como lo siguiente: (*) Pa basisschool schoolgeld ta 275 Florin y airco geld ta 150 Florin. (*) Pa Mavoschool schoolgeld ta 350 Florin y airco geld ta 150 Florin.
Pa por completa inscripcion pa aña escolar nobo di 2025-2026, mester cumpli cu e rekisito di SKOA cu ta rekeri e contribucion di “schoolgeld y airco geld” di 2024-2025 ta completo paga. Mayornan cu ta desea un areglo di pago por haci peticion pa esaki.
SKOA tey pa guia tur mayor durante e proceso di inscripcion.
