ORANJESTAD (AAN): Recientemente Director di ImSan, drs. Joel Rajnherc hunto cu Managing Director di ENNIA,
sr. Henry van den Berg den presencia di señora Gina Maduro, Presidente di Sindicato ABV a firma prolongacion di su pensioen colectivo pa e empleadonan di ImSan.
ImSan bao guia di actuaris sr. Rishi Achaibersing, di e compania Keesen Actuarissen a acerca varios compania di seguro local pa oferta despues di evalua cada uno y scohe pa keda y prolonga e pensioen colectivo cu ImSan ya tin cu ENNIA pa 5 aña mas mirando cu a ofrece y mehora e beneficionan pa e trahadornan di ImSan. E pensioen colectivo ta drenta na vigor entrante, 1 di augustus 2022.
Por ultimo ImSan ta gradici e companianan di seguro cu a manda nan oferta y ta spera cu por sigui cu e bon cooperacion ricibi di ENNIA pa e proximo añanan. ImSan ta orguyoso di por a logra miho beneficio pa cada su empleadonan y asina percura pa nan tin un bon pensioen den futuro pa disfruta di dje.
