Un ola tropical debil a lanta cabes dia 30 di September 2008 y pasa den Caribe sin causa mucho efecto.
Dia 13 di October na e parti Oost di Caribe e ola tropical a desaroya den un Depresion Tropical y 18 ora despues a bira un Tormenta Tropical.
Dia 15 di October tormenta tropical a desaroya den Horcan Omar. Horcan Omar tabata move di west pa oost y despues a move noord. Di e dialuna 13 di October por bisa cu awacero a cuminsa yobe mescos cu diamars y diaranson.
E anochi di diaranson 15 di October pa Diahuebs 16 di October 2008 Aruba a haya hopi awacero mas pisa durante pasada di Omar, palonan di kwihi grandi a cai, lamper a dal den Valero, lama tabata bruto cu olanan halto.
Por corda cu na Surfside lama bruto a benta un yate ariba tera. Na Savaneta olanan grandi a destrui e restaurant Brisas del Mar.
Na hotelnan low rise tambe a raporta olanan grandi y cu kita e beach dilanti hotelnan. Coriente a bay den diferente bario.
Compila pa Roberto Croes
Nos Historia Nos Herencia
