ORANJESTAD (AAN): Durante un recien sorteo di Mini Mega, tabatin ganador cu a bay cu e di dos premio.
Maria tabata un hungador cu por poco a bay cu e Mini Mega. Pero e ta feliz di a gana e di dos premio.
Pesey riba Diabierna siman pasa el a acudi na oficina di Lotto pa reclama su premio. Aki mesora e trahadornan a check si el a pone su firma na e banda patras di e ticket, y despues a scan e barcode den computer.
E computer di Lotto inmediatamente a indica, cu el a gana 12.436 Florin cu ta coresponde na di dos premio di Mini Mega.
Mesora a cuminza cu e proceso pa transferi e premio electronicamente pa su cuenta di banco. Maria ademas a indica, cu e ticket ganador el a cumpra na Martha’s Lottery.