Manda un mensahe na 57-1670: SOS+Adres
ORANJESTAD (AAN): Yaxzuly Toyo ta Psicologo di Mucha y Hoben na Fundacion Contra Violencia Relacional y el a revela datonan basta preocupante.
El a bisa cu cada bes ta bin dilanti mas caso di violencia entre hobennan y parehanan. El a splica cu e no ta tribi bisa cu e casonan ta aumenta, pero e ta sinti cu e problema tabata tey caba djis cu e casonan ta bin dilanti.
Tin diferente factor y no por bisa cu ta un so. Ta depende con e situacion ta na cas y esaki ta hunga un rol hopi importante cerca e hobennan, principalmente den e parti unda e mayornan ta un spiel pa nan yiunan, a bisa.
Si ta mira e casonan di violencia na cas, e porcentahe ta hopi grandi pa esaki sigui ripiti, Toyo a expresa.
Hopi di e personanan aki no ta consciente cu nan ta pasando door di un situacion di violencia, Yaxzuly Toyo a remarca.
FCVR tin un sistema di emergencia cu ta SOS mas a adres. Un persona cu ta sinti cu su bida ta na peliger, por manda un SMS of un message via WhatsApp como tambe e adres y e fundacion lo percura pa e asistencia yega mas pronto posibel. Tambe por manda e 'location' (ubicacion) y e personal di e fundacion lo purba yega mas lihe cu ta posibel,
FCVR ta traha di manera preventivo, pero ta spera pa no tin e necesidad di atende un emergencia. Pero den caso necesario mester manda e mensahe cla: SOS+adres na 567-1670 y e ayudo lo ta na caminda, asina Magaly Maduro, Coordinadora di FCVR a duna di conoce.
