*Bin Braza Bo Cultura den Centro Bario Brasil
ORANJESTAD (AAN) – Bao e lema “Braza bo Cultura”, Fundacion Chico Harms ta preparando hopi bon y ta biniendo cla, cu e actividad hopi grandi cu nan ta spera e proximo fin di siman, esta Festival Cantica di Caya, cu lo tuma lugar e dianan 27 y 28 di Juli 2024. Diasabra 27 tin e festival di adulto, y dia 28 tin e festival infantil y hubenil.
Asina señor Chico Harms, presidente di e fundacion a duna di conoce den entrevista cu DIARIO.
Diasabra awo tin seis banda y 14 cantante adulto, y seis entre infantil cu hubenil pa Diadomingo. Pues lo tin un fin di siman hopi pisa y bon hinca den otro, Harms a menciona. E ta sigur cu e fin di siman aki lo bira hopi exitoso. E eventonan lo tuma lugar den Centro di Bario Brasil pa 7.30 or di anochi.
