ORANJESTAD (AAN): Informacion procedente di Hartfort na estado di Connecticut na Merca,
ta indica cu un turista kende a yega di describi e isla di Aruba como su di dos cas, a fayece dos siman pasa. Ta trata aki di Michael Sadowski conoci como ‘Mike’, kende a fayece na edad di 76 aña. El a fayece inespera, despues di a rescata su cacho tan stima.
Mike a hiba un bida yen di pasion, humor, y dedicacion na e hendenan cu e ta stima. Esaki ta inclui su casa Alice cu kende e tin 42 aña casa, su yiu muher Kristi, y su cacho stima conoci como ‘The Moose’.
E tabata fundador y president di su mesun compania di hipoteca. Su deporte faborito ta basketball, y tabata un coach pa hobennan tambe. Fuera di esey, e ta conoci pa su sentido contagioso di humor, y gusta tey na encuentronan di famia y amigonan.
Su gozo principal ta viahamento, specialmente pa Aruba, unda el a pasa hopi biaha ta goza di solo y beach di e isla aki. E tabata yama Aruba su di dos cas.
E humor di Mike, cu su generosidad y personalidad grandi, sigur lo bay wordo sinti awor cu el a bay.
