ORANJESTAD (AAN): Bo a inscribi bo yiu caba pa kleuter? Inscripcion di SKOA ainda ta habri pa Kleuterschool, pero cuponan ta limita
SKOA a confirma esey, pues cu tin cuponan limita pa inscribi muchanan cu ta bay cuminsa kleuter e aña aki. Mayornan cu ta interesa por scoge pa inscribi nan yiu(nan) na diferente scol di kleuter cu ta resorta bou di SKOA, por bishita www.skoa.aw pa haya un bista y mas informacion di e scolnan di kleuter.
Con pa inscribi: Por haci esaki, door di inscribi via nan website www.skoa.aw completamente online. Por inscribi via email door di manda SKOA un email na Cette adresse e-mail est protégée contre les robots spammeurs. Vous devez activer le JavaScript pour la visualiser.. Por inscribi via WhatsApp door di manda un mensahe directo na +297 748-5995 y sigui e proceso pa completa e inscripcion. Pa mayornan cu ya caba tin yiu inscribi na SKOA por haci inscripcion di e yiu cu tin cu cuminsa kleuter via nos systema di SAS.
Ora di inscribi mester pone bon atencion ariba e documentonan cu ta necesario pa asina por cumpli cu e proceso di inscripcion di bo yiu.
Mayornan cu inscribi nan yiu ta haya un periodo di 6 siman pa asina por cumpli cu e prome pago of pago completo di schoolgeld pa e aña escolar venidero. Nan ta recorda mayornan pa haci inscripcion mas pronto posibel paso no tin hopi
luga mas pa kleuter pa e proximo aña escolar. Si ta desea mas informacion tocante inscripcion na un scol di kleuter di SKOA por bishita e website www.skoa.aw.
