ORANJESTAD (AAN): Un di e weganan di mas popular di Lotto keto bay ta Zodiac. Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Erwin a haci tambe! El a cumpra su numbernan special, y a bira feliz ora di a mira cu el a bira un ganador.
Pesey mes riba Dialuna el a acudi na oficina di Lotto na Playa pa reclama su premio. Mesora e funcionarionan di Lotto a check si el a pone su firma parti patras di e ticket, y despues a scan e barcode. E computer a indica cu Erwin a gana 10.000 Florin cu e wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Erwin a indica cu e ticket ganador el a cumpra na Big Ten Lottery.
