Marca bo calender
ORANJESTAD (AAN) - Ariba 18 di Maart, Aruba Aloe un biaha mas ta celebra e dia di nos Himno y Bandera cu nan evento anual di “Aruba Nos Orguyo” y naturalmente su grandioso promocion di $=AWG tan anticipa. E biaha aki e promocion lo wordo ofreci durante henter e dia y na tur nan puntonan di benta! E compania di Aloe tambe lo ofrece tournan gratis di su Fabrica y Museo na nan facilidad na Hato entre 8:30 AM- 4:30 PM, dunando bishitantenan e chens pa gosa di un actividad berdaderamente patriotico ariba e dia di mas patriotico di aña.
Dia di Himno y Bandera semper ta un dia festivo nacional hopi special pa Aruba Aloe, door di e importancia di e mata di Aloe Vera pa cu e identidad di Aruba y su historia economico y cultural. Ta hasta un hecho, cu pa aña 1920, 67% di nos pais tabata cubri cu mata di Aloe, cual a yuda haci Aruba conoci internacionalmente como “The Island of Aloes”, E isla di Aloe. Awendia, Aruba Aloe ta sigui mantene e tradicion di nos Aloe y su significado pa nos pais na bida, y e ta haciendo esaki pa mas di 130 aña caba. Nan celebracion di “Aruba Nos Orguyo”, ariba dia 18 di maart, ta yuda accentua e tradicion remarcabel aki den e manera perfecto.
Manera semper, Aruba Aloe lo provee su promocion di $=AWG na tur su clientenan, na tur su tiendanan y “online” ariba www.arubaaloe.aw. E oferta unico aki ta duna nos localnan e oportunidad pa cumpra tur nan productonan faborito, di cual nos ta hopi orguyoso. E ta e manera pa e compania no inclui solamente su mes, pero henter nos comunidad, den su dicho, “We Are Aloe”.
Den e ultimo añanan, Aruba Aloe a celebra e evento cu musica local en bibo, bebidanan traha cu Aloe, y actividadnan dibertido pa mucha. Mientras e compania ta lamenta di ainda no por celebra su evento di “Aruba Nos Orguyo” manera e añanan anterior pa via di Covid, e team di Aruba Aloe a bin cu un quiz special online pa celebra den un manera diferente e aña aki. Aruba Aloe lo publica un video cu un pregunta tur dia di 14 pa 17 di maart ariba su pagina di Facebook. Cuatro persona lo gana un Gift Certificate fabuloso di AWG. 500,-, cual nan por hasta usa durante di e promocion ariba dia 18 di maart.
Si bo ta buscando algo diferente y crioyo pa haci cu bo famia ariba dia 18, pasa na e museo y fabrica na Hato pa tuma un tour gratis. Akinan bo por siña mas di e historia rico di e mata Aloe Vera ariba nos isla y e productonan di Aruba Aloe. Naturalmente no perde e oportunidad pa huntu cu bo famia pasa na un di e tiendanan y haci uso di e tremendo promocion di $=AWG, kizas cu bo gift certificate di AWG.500,- cu bo por gana via di e quiz desde 14 di maart ariba nan pagina di Facebook! Aruba Aloe ta desea henter nos comunidad un dia di Himno y Bandera feliz y sano.
Aruba Aloe, cual a ser estableci na 1890, ta un di e poco companianan di Aloe na mundo cu ta crece, cosecha y procesa su Aloe na e mesun luga. E Aloe, cual ta wordo considera e miho calidad di Aloe na mundo, ta e base di un coleccion di product fabuloso pa cuido pa cuero, solo y cabey, cual constantemente ta creciendo y den desaroyo. Aruba Aloe aworaki tin 17 tienda aki na Aruba, y su productonan ta obtenibel pa wordo cumpra ariba www.arubaaloe.aw (Aruba), www.arubaaloe.com (Merca & Canada) y na www.arubaaloe.nl (Europa)
