Cu realisacion di e proyecto Eagle LNG, un macuto di beneficio y yabi pa habri un porta nobo pa futuro ta wordo entrega na tur cas na Aruba.
E beneficionan cu e proyecto di gas ta trece pa henter Pueblo, por wordo resumi di e siguiente forma.
- Un arma pa enfrenta aumento di costo di bida
Costo di bida ta depende di hopi factor di cual tur pais na mundo ta depende.
Prijs di petroleo, scarcedad di producto dor di Pandemia, costo di recuperacion financiero entre otro ta afecta tur famia.
Awe y coriente ta costo basico di un pueblo desaroya. Baha prijs di awa y coriente ta nifica mas placa den cartera.
- Baha prijs pa haci negoshi y prijs di articulonan
Pa empresanan calcula nan prijs di haci negoshi, cu ta gastonan cu nan tin, nan mester inclui gastonan di awa y coriente. Ora e prijs aki baha, e paso di gasto empresarial ta baha y prijsnan por baha.
- Diversifica y yuda economia crece
Si prijs di haci negoshi na un pais baha, e negoshi por atrae mas compania. Prome cu un negoshi dicidi pa establece na Aruba e ta haci un estudio di visibilidad. Mas abou e gastonan, mas facil pa e negoshi establece den un economia creciente.
- Atrae barconan cu tambe ta cambia di azeta pa gas.
Mas y mas barco ta cambia di azeta pa gas. Un terminal di gas na Aruba lo trece barconan cu tripulacion cu ta gasta placa. E barconan mes mester di servicio. Mas cupo di trabou pa comunidad.
- Habri porta pa refineria den tempo di cambio di clima.
Quanten ta e refineria cu ta negosha cu Aruba. Un refineria cu lo no traha cu e instalacionnan anterior cu no solamente no ta honra e concepto completo di refineria, pero tampoco e condicionnan creciente di cambio di clima. E grupo tras di Quanten ta profesional internacional cu a traha cu Gobierno Mericano riba tereno di “energia limpi” cu conservacion di naturalesa.
- Spin off effect den recuperacion economico mundial despues di pandemia
Awe informacion di e acuerdo entre Aruba y Eagle LNG lo alcansa henter e industria di energia mundial. E decision di Eagle LNG pa establece na Aruba, lo tin mes efecto cu apertura di Lago y industrialisacion di Aruba y entrada di turismo. Un compania di renombre internacional a splica mundo, cu ta bon pa habri negoshi na Aruba.
