ORANJESTAD (AAN): Frecuentemente e team di bronnen contact onderzoek (BCO) cu ta encarga pa yama esnan cu test positivo pa COVID-19
y su contactonan directo ta confronta datonan cu ta wordo yena robez den e Aruba Health App cu ta haci comunicacion entre e team y e pashent imposibel.
Na momento cu un persona bay haci un test di COVID-19, e persona mester yena y controla mesora tur su datonan den e Health App pa asina sigura cu esakinan ta corecto; specialmente number di telefon y email.
BCO team ta haci un suplica na momento cu bo sali positivo pa COVID-19, isola bo mes y keda pendiente e dia siguiente pa ora bo wordo yama pa asina por tin contacto cu bo persona mesora.
BCO team ta confronta hopi persona cu no ta atende yamada y tambe number yena robes den Aruba Health App.
E team di BCO ta yama un maximo di 3 biaha pa trata di localisa bo persona specialmente mirando e cantidad grandi di personanan cu tin riba lista pa wordo yama tur dia. Na momento cu bo persona ricibi por medio di mail bo resultado positivo di COVID-19, sigui tur instruccion cu tin riba e email, esta keda den isolacion te ora cu un persona di DVG tuma contacto cu bo e dia siguiente.
Den caso cu tin cualkier cambio despues cu bo sali positivo manda un email mesora pa Cette adresse e-mail est protégée contre les robots spammeurs. Vous devez activer le JavaScript pour la visualiser. pa avisa, alcontrario lo ta hopi dificil pa e BCO team tuma contacto cu bo pa duna instruccion durante isolacion of tambe na momento di declara bo persona recupera di COVID.
