ORANJESTAD (AAN)-- Den entrevista cu DIARIO, e Relacionista Publico di Departamento di Impuesto (DIMP),
señora Meverly Romano, a declara cu nan tambe a ripara cu tin hopi auto cu ainda ta core cu number plachi bieu.
El a bisa cu kizas nan tin un motibo, por ta nan a perde esun blauw, pero ora un persona perde esun blauw e tin cu bin cerca nos, pa nos laga traha un plachi nobo p’e.
“Pero, esun cu no a paga nada, bo ta haya cu kizas nan tin e plachi cora cu blanco ainda y ta coriendo cu ne; riba esey, nos ta confia cu Cuerpo di Polis ta haci e controlnan riba caya”, Meverly Romano a señala.