Meverly Romano, PR:
*Por paga Afl.50 pa luna te completa na Januari
ORANJESTAD (AAN) — Meverly Romano, Relacionista Publico di Departamento di Impuesto (DIMP), a splica den entrevista cu DIARIO, cu DIMP ta preparando pa e siguiente aña.
“Nos ta bay habri e posibilidad di pago na luna di september, unda cu e automobilistanan por cuminza haci nan pago di belasting na 50 florin mes, pa luna. Kiermen, si nan Januari nan mester paga 150 florin, awor por paga desde fin di September caba 50 florin, despues 50, 50, y ora Januari yega no tin ni un pago mas pa haci”, Romano a indica.
El a agrega cu e contribuyentenan no lo cay tampoco den e stress di e periodo eynan para den rij. DIMP lo anuncia ki ora ta e momento y ta recomenda fuertemente, pa e automobilistanan haci uso di e sistema parcial di pago aki, pasobra e ta sali sumamente bentahoso, e persona no ta sinti e peso financiero manera ora cu saca e placa di un solo biaha, vooral e companianan cu tin mas di un auto y e ciudadanonan particular cu tambe tin dos of tres auto.
Pa nan ta importante pa parti e pago pida, pida, y nan por cumpli sin mester para warda den rij, el a reitera.
