Minister Endy Croes:
ORANJESTAD (AAN): Diaranson ultimo, Minister di Enseñansa y Deporte Endy Croes y IBiSa a acudi na John F. Kennedy Education Center Aruba, unda a reuni cu cabesante y docente di gym di 40 scol di Aruba cu a clasifica pa participa den Weganan Escolar (WE) Aruba 2024.
A hiba un reunion ameno, unda a duna e cabesante- y docentenan espacio pa duna nan input riba algun apecto pa ahusta prome cu lansa e programa oficial durante conferencia di prensa dia 3 di mei proximo.
Minister Endy Croes a indica cu e gran apertura ta tuma luga dia 1 di juni y ta clausura 15 dia juni, pues dos (2) siman di competencia, unda e scolnan lo bataya contra otro pa conkista e titulo maximo.
Kamilah Dammer di IBiSA a indica cu alrededor di mil studiante di diferente scol preparatorio, basico y secundario lo competi contra otro den diferente deporte. Hunto ta trahando riba e concepto final pa present’e diabierna binidero.
Pa finalisa, Minister Endy Croes ta desea tur scol cu ta bay competi den e campeonato di WE Aruba hopi exito.
{gallery}Dia 3 di mei ta bay lansa e programa oficial di e di tres edicion di Weganan Escolar (WE) Aruba 2024{/gallery}
