ORANJESTAD (AAN): Hoofdstembureau e siman aki a anuncia oficialmente cu nan a habri aplicacion pa e personanan
interesa pa forma parti di e Urnanan Electoral como miembro pa e eleccion cu lo tuma luga dia 6 di December 2024.
Presidente Suplente Señora Grasita Griffith a informa cu tin un total di 70 Urna Electoral y dos “special A y B” cu ta encarga cu e proceso electoral. Cada urna electoral ta consisti di tres miembro, di cual un ta e presidente di e Urna Electoral. Ademas dos miembro suplente ta worde nombra. Esaki ta nifica cu un total di 360 miembro ta necesario pa cumpli cu e rol fundamental pa asegura cu e proceso electoral pa contribui na eleccionnan liber y husto.
Pa worde selecciona como miembro mester tin e siguiente rekisitonan: (*) Nacionalidad Hulandes. (*) Ta registra na Registro Civil y Censo prome cu 18 di September 2024. (*) Ta mayor di edad (18+) riba dia di eleccion.
Esnan cu ta interesa por manda un e-mail na Cette adresse e-mail est protégée contre les robots spammeurs. Vous devez activer le JavaScript pour la visualiser. cu e siguiente informacion: (*) Nomber y fam, (*) Fecha di nacemento, (*) Menciona e urna, si den pasado bo persona a traha den un caba Hoofdstembureau ta invita personanan den enseñanza, otro profesionalnan, of personanan cu experiencia amplio den e tipo di funcionnan aki. Miembro nan cu worde selecciona lo ser notifica na tempo y por escrito. Tambe nan lo worde informa debidamente di nan funcion y tareanan durante e dia di eleccion.
Como miembro di e Urnanan Electoral, bo tin un rol crucial pa asegura cu tur voto ta conta y cu e proceso ta transparente. Pa mas informacion, bishita e website oficial di Conseho Electoral Aruba na www.er.aw pasobra e plataforma lo sirbi como un recurso importante pa votadonan, partidonan politico y publico general, pa keda al dia cu anuncionan, fecha nan y guia relevante pa e eleccion di Aruba.
