ORANJESTAD (AAN): Den fin di siman cu a pasa, a tuma lugar e prome Campeonato di Kickball entre Scolnan MAVO di SKOA,
y tambe SKOA Bureau. E ta un torneo cu a wordo organiza door di Colegio San Antonio MAVO na Santa Cruz.
E actividad aki a tuma lugar na veld di Flatstone na Piedra Plat. Y e gran noticia ta cu e docentenan di Colegio San Antonio mes a titula campeon den e prome campeonato Softball entre scol Mavo di SKOA y SKOA Bureau!
E team di Sub-campeon a titula Colegio San Augustin.
Esnan di Colegio San Antonio ta manda un danki na tur scol cu a participa: La Salle College Mavo, Maria College Mavo, Filomena College Mavo como tambe SKOA Bureau!
Danki na e patrocinadornan Delta Blue, Dyon Center, Office System, Setar, Oduber Agencies, Tropical Bottling Company y Botica Dakota. Danki na docentenan Schwengle, Wout, Silberie y Giel pa e organisacion.
