ORANJESTAD (AAN): Colegio EPI ta felicita 3 colega cu a ricibi nan certificado di e curso di 'Lead, Motivate and Inspire' cu tabata duna door di Centro pa Desaroyo Profesional Continuo di IPA.
Den e curso 'Lead, Motivate & Inspire' di Momax e cursistanan a siña con pa ta un lider cu ta motiva y inspira tur cu ta rond di dje.
Durante e curso a para keto na kico un lider por, kico un lider sa y ken ta un lider di berdad.
E curso aki ta di importancia pa tur cu ta den enseñansa, como cu cada docente ta un lider riba su mes sigur pa su studiantenan, como tambe su coleganan y comunidad completo.
IPA ta brinda e curso aki hunto cu Momax y DEA en conexion cu Capacity Enhancement y ta mira e balor agrega di prepara tur docente pa ta un lider cu por haci un impacto influenciando positivamente.
Masha pabien na Stephanie, Gregory y Robin-Ann.
