Dos persona a fayece
ORANJESTAD (AAN): Departamento di Salud a indica cu pa loke ta e Siman epidemiologico di 24 pa 30 di juli 2022 ta indica cu 223 persona a recupera y un total di 197 caso nobo di COVID-19 a keda registra.
Tin 2 persona cu a fayece cu ta haci cu e cifra di morto cu COVID a bira un total di 226. Cantidad di casonan activo di COVID-19 pa dialuna ta 201.
Datonan ta ilustra casonan nobo di COVID-19 cu un averahe semanal di 28 caso positivo pa dia y un averahe di 'Positivity rate' semanal di 52%.
Un total di 5 persona a keda interna den hospital durante e siman cu a pasa di cual 3 riba piso general y 2 den ICU.
