Durante debate presidencial na e pais
BOGOTA: Durante e debate di candidatonan presidencial, organiza pa Universidad Externado de Colombia, e candidato Luis Perez Gutierrez di Movimiento Piensa en Grande, a propone pa e Bandera di Colombia haya un simbolo nobo: Un blachi di mata di marihuana.
“E economia berde di cannabis lo bay ta e revolucion di e pais aki. Mester legaliza esaki pa e parti recreativo, industrial, alimenticio, y medicinal. Si cannabis ta duna nos 3 miyon empleo, nos mester nombre como ‘blachi nacional’,” ta loke e ex-Gobernador di Antioquia a bisa durante un sesion unda a discuti e legalizacion y industrializacion di marihuana.
Aki ta unda cu Luis Perez Gutierrez a lanta para, a habri un Bandera tricolor y a bisa: “Ami lo pidi Congreso di Republica, cu respet, pa nos cambia e bandera.”
Aki ta unda cu Luis Perez Gutierrez a mustra publico un Bandera Colombiano, color geel, blauw y cora, cu un mata di marihuana imprimi na e prome mitar.
Na e debate, organiza pa Universidad Externado a asisti tambe Ingrid Betancourt, Gustavo Petro, Enrique Gomez, y Milton Rodriguez.
