Minister Xiomara Maduro:
ORANJESTAD (AAN): Minister di Finansa y Cultura, Xiomara Maduro a duna di conoce dialuna mainta den conferencia di prensa cu un di e recomendacion di CAFT na Gobierno tabata riba Serlimar.
El a indica cu loke a wordo pidi akinan lo trece como consecuencia cu Serlimar tin cu bay faillit y si e bay faillit ta conoci kico ta bay pasa, y tur hende tin cu bay cas y den esaki Aruba tin un problema mas grandi cu locual cu ta bira e parti di desperdicio.
El a sigui bisa cu e recomendacion number 3 di CAFT ta pa gobierno mantene e recorte di 12,6%. Esaki ta algo cu aworaki gobierno ta bezig cu ne hunto cu Conseho di Minister di Reino.
E peticion aki di CAFT lo encera en corto pa no paga e ambtenaar e 5% di recorte.
Djey, e recomendacion number 4 ta pa baha gasto di personal na 417 miyon florin y esaki ta encera baha drasticamente e overtime di e ambtenaarnan cu ta bisti uniform, Minister Maduro a indica.
Den e di 5 recomendacion, CAFT ta pidi gobierno pa compensa Loonbelasting cu 15 miyon florin. Esaki ta un discusion cu gobierno a hiba ya cu pa alivio fiscal y pa pueblo por a surpasa e pandemia, 1 di januari 2021 a baha locual ta e tarifa di Loonbelasting.
Aworaki, a remarca CAFT kier pa gobierno hisa esaki bek. Minister Maduro a señala.
