ORANJESTAD (AAN): Biblioteca hubenil ta ofrece mucha di tur edad un coleccion grandi di buki pa lesa.
Dialuna mainta representantenan di Biblionef na Aruba, Sra. Carla van Eerden y su colega Sandra Postma a entrega 5 caha di buki pa baby y mucha na sra. Michelle Roos, hefe di Dept. Catalogo.
Tin bukinan pa baby y tambe peuter y kleuter. Un bunita coleccion cu biblioteca por fia su miembronan hoben. Biblioteca ta gradici Biblionef pa trece e bukinan Aruba.
Biblionef ta un instancia cu ta traha rond mundo pa stimula lesamento y laga tur mucha experencia e placer di lesamento. Biblionef ta traha pa mucha cu no tin acceso facil na buki y semper a traha hunto cu biblioteca. Biblionef Aruba ta parti buki na scolnan na Aruba ya pa mas cu 20 aña.
