ORANJESTAD (AAN): Manera semper Banco di Caribe ta contribui cu comunidad y e aña aki no ta un excepcion;
Banco di Caribe ta contento di por forma parti un biaha mas di e Clinica di Fundacion Real Madrid. Banco di Caribe ta brinda oportunidad na hobennan pa forma parti di e excelente clinica aki cu ta priminti di ta grandi e aňa aki atrobe.
E balornan di Fundacion Real Madrid ta loke mas ta resalta; muchanan lo siña trabao den ekipo, motivacion, tecnica di un futbolista sobresaliente y poder di mente pa resalta riba veld. Esakinan ta realmente e filosofia di un di e teamnan di futbol mas renombra na mundo. E muchanan lo train manera un berdadero campeon y na final lo tin oportunidad di gana un biahe y entrenamento na Stadion di Bernabeu na Madrid, Spaña!
-Registra pa e clinica di Fundacion Real Madrid
Tur mayor cu ta desea di registra nan yiu di 8 - 13 aña di edad pa e clinica por haci esaki te cu diadomingo awor 7 di augustus 2022. E clinica lo tuma lugar dianan 8 - 12 di augustus 2022. Pa mas informacion por manda un WhatsApp na 641.7373 of por email Cette adresse e-mail est protégée contre les robots spammeurs. Vous devez activer le JavaScript pour la visualiser.
Participando na e clinica e hobennan lo ricibi nan uniform, tur articulo di e ekipo Spaño y algun dia di tecnica y tactica intensivo.
