Anthony Rojer, director Utilities:
*Kiermen, reliability, affordability, sustainability
ORANJESTAD (AAN)—Director di Utilities, Anthony Rojer, a hiba palabra den conferencia di prensa, den cual a keda anuncia cu e tarifanan di awa y electricidad lo subi substancialmente, for di entrante awe, Dialuna 1 di Augustus 2022.
Señor Rojer a splica cu su persona hunto cu director di NV Elmar, señor Anthony Yrausquin, a haci hopi esfuerzo y ehercicio pa toch absorbe e ahustacion di tarifanan di awa y coriente.
No obstante, nan tin cu keda mantene nan vision y nan plannan di bin cu mas energia renovable, y nan ta acelerando caba e plannan aki, cu energia solar, biento, y posiblemente lo mester enfoca riba alternativanan manera hidrogeno, cu ta esnan cu nan por traha riba nan.
“Kiermen, aworaki nos tin cu sigui cu reliability, affordability y sustainability: e modelo di confiabilidad y por garantiza tur hende awa y electricidad den nan cas. Esey ta e meta di e empresanan”, Rojer a señala.
