Colaboracion di USC di Merca
ORANJESTAD (AAN): Universidad di Aruba (UA) Facultad di Hospitalidad y Turismo ta anuncia cu lo ofrece un biaha mas e Micro-Certificate di Sport & Event Management den colaboracion cu University of South Carolina (USC), di cual e Sports Management program ta ranked No. 1 den henter Merca. Lo brinda e oportunidad di sigui e programa di Sport and Event Management riba nivel di Master cu ta consisti di 5 module na Universidad di Aruba.
E personanan cu completa e estudio aki lo ricibi un certificado y lo ta ekipa pa organisa diferente proyecto deportivo na Aruba basa ariba ehempel nan internacional. E curso di Sport and Event Management ta inicia dia 5 di Februari 2025 venidero y lo ta parti den cinco diferente seccion finalisando na November 2025.
E meta di e micro-certificate ta pa provee un comprension mas amplio y specifico di deporte y evento como negoshi enbes di solamente recreativo. E principionan y practica cu lo cubri den e sesion nan lo ekipa e participantenan cu e herment necesario pa planea, organisa, mercadea, crea fondo, y opera eventonan deportivo na Aruba. E profesornan di USC tin amplio conocemento academico y experiencia practico cu lo duna e participantenan un “roadmap” pa planea, implementa y evalua eventonan exitosamente. Na final lo mester entrega un plan pa culmina e curso.
Sra. Jo-Anne Croes di Universidad di Aruba a comparti informacion di e cinco tayer nan cu lo cubri den e programa cual ta lo siguiente:
(1) Sport and Event Marketing (Mercadeo di Deporte y Evento) cu Dr. Stephen Shapiro, dianan 5 y 12 di Februari.
(2) The Business of Sport (Management and Organization) / E negoshi di Deporte (Maneho) cu Dr. Andy Gillentine, dianan 19 y 26 di Februari.
(3) The Finance of Sport Event Management (Maneho di Financiamento di Deporte y Evento) cu Dr. Matt Brown, dianan 26 di Maart y 2 di April.
(4) Introduction to Event and Venue Management (Maneho di Facilidad y Evento) cu Adonis ‘Sporty’ Jeralds y lo ta den luna di October.
(5) Managing Part-Time Volunteers and Employees / Maneho di voluntario nan y empleadonan part-time cu Dr. Samuel Todd, y lo ta den luna di November.
E obhetivonan di e programa ta pa participantenan: (*) Demostra comprension di e terminologia, teoria y principionan di deporte y evento pa asina aplica e conocimento aki na eventonan deportivo den practica. (*) Demostra un conocimento amplio di e maneho di recursonan humano, incluso tuma un hende na trabao, distribucion di trabou, traha un plan di trabou, maneho y evaluacion di productividad. (*) Crea plan pa coordina, implementa, y opera un evento deportivo mientras ta sigura e seguridad di e participantenan y e publico presente.
Tambe pa: (*) Identifica y diferencia e segmentonan den e mercado, tipo di patrocinadornan y nivel, uso di tools pa colecta data y hasi estudionan, y e elementonan cu ta forma e “marketing mix”. (*) Crea strategianan di mercadeo y entretenimento cu lo ta exitoso ora e mercado presenta e oportunidad. (*) Crea un comprondemento con pa monitor entrada y gastonan y analisa esakinan pa sigura e exito financiero di e eventonan deportivo.
Esnan interesa den sigui e curso aki y ricibi e micro-certificate ta keda invita pa manda un email pa Cette adresse e-mail est protégée contre les robots spammeurs. Vous devez activer le JavaScript pour la visualiser. pa mas informacion of registra na e website:
Rekisito pa por participa ta como lo siguiente: (*) Bachelor’s degree y/of experiencia di trabou riba nivel di supervisor/manager. (*) Carta di motivacion. (*) Carta di recomendacion.
