Presenta pa High Notes Music School
ORANJESTAD (AAN): Amantenan di musica ta invita pa participa den un workshop especial di Musica di Spaña, incluyendo e ritmo y pasion di Flamenco, awe Diahuebs 18 di juni, for di 5:00 te 7:00 pm, na Biblioteca Nacional Aruba.
E workshop ta wordo presenta pa dos profesor di piano y percusion for di un Conservatorio na Spaña, kende lo comparti nan conocemento y amor pa musica.
Entrada ta gratis y tur hende ta bon bini, specialmente esnan cu ta disfruta di musica y cultura.
