ORANJESTAD (AAN): Fundacion SKOA ta sigui cu su campaña anual di aplicacion pa tur mucha cu ta haci 4 aña den 2023. Aplicacion ta habri ainda y mayornan por inscribi nan yiunan pa asina sigura nan luga pa e proximo aña escolar.
Con bo por aplica na SKOA: Por aplica via e website www.skoa.aw pa asina inscribi completamente online. Por aplica via
email door di manda SKOA un email na Cette adresse e-mail est protégée contre les robots spammeurs. Vous devez activer le JavaScript pour la visualiser.. Por aplica via WhatsApp tambe door di manda un mensahe directo na 748-5995 y sigui e pasonan pa completa e aplicacion. Ora di aplica mester pone bon atencion ariba e documentonan necesario pa asina por cumpli cu e proceso di inscripcion di bo yiu.
Pa mayornan cu ya caba tin yiu inscribi na SKOA por haci aplicacion di e yiu cu tin cu cuminsa kleuter via nan systema di SAS.
SKOA ta enfoca ariba e desaroyo y crecemento di nos muchanan y ta boga pa sigui brinda educacion di calidad pa asina prepara nos muchanan pa un bon futuro. SKOA tey pa guia tur mayor durante e proceso di aplicacion.
