SANTIAGO DE CHILE: Un actriz hopi popular na Chile, esta Coni Piccoli, pa hopi tempo ta interactua hopi riba social media cu su fanaticonan.
Constantemente e ta pone potret pa asina comparti su bida, tin biaha cu video tambe, di su bida di tur dia.
Den fin di siman, el a dal un hit grandi, ora cu el a pone algun potret hopi ‘riesgoso’ di dje den bikini, ora cu e ta pasando vacantie na Aruba. Y esaki a pone fanaticonan bira loco y duna reaccion na cantidad.
Via di Instagram, e actriz a pone dos potret cu a pone su fanaticonan manda aplauso pe. “Aruba en familia” ta loke e actriz Piccoli a skirbi ora di a post nan.
Mesora e potretnan a causa sensacion, y den apenas algun ora el a haya casi 15 mil like riba e plataforma virtual aki.
Y manera tabata di spera, e elogio- y reaccionnan a yega mesora. “Más bella que el sol”, “Guapa”, y “Estás hermosa”, tabata algun di e reaccion cu por a lesa den comentarionan.
