Directiva nobo a wordo eligi
ORANJESTAD (AAN): Recientemente e miembronan di e Ordo di Abogadonan di Aruba a eligi un directiva nobo. E directiva nobo a drenta na vigor desde dia 27 di maart 2023 y ta worde forma di e siguiente manera.
Decano a bira mr. Grasita L. Griffith. Vice-Decano a bira mr. Eline J.M. Lotter Homan.
Secretaria a bira mr. Nicole G. Booi. Tesorera a bira mr. Suzette A. Kock. Comisario a bira mr. Olivia L. Sjiem Fat.
Funda na 1991, e Ordo di Abogadonan di Aruba ta un asociacion di abogadonan inscribi na e Tribunal Comun di Justicia y residencia na Aruba. E obhetivonan principal di e asociacion ta: 1) determina cu reglamentonan relaciona cu e profesion huridico ta worde estableci y aplica; 2) promove e interesnan di su miembronan den e ehercemento di nan profesion 3) e promocion di e calidad di e servicionan duna door di e abogadonan; y 4) e promocion di e calidad di un administracion di husticia corecto, e defensa di e derechonan humano y un asistencia huridico adecua pa tur.
Pa por alcansa e obhetivo aki, entre otro, lo por consulta cu e partidonan interesa, actuando como un organo consultativo den nomber di su miembronan y tercernan, ofreciendo un programa di formacion y elaborando normanan vinculante pa e abogadonan. Aruba ta conta actualmente cu mas o menos 112 abogado, reparti den mas o menos 62 buffetenan.
Mayoria di e abogadonan di Aruba tambe ta miembro di e Ordo di Abogadonan di Aruba, aunke e afiliacion no ta obligatorio. Pa mas informacion tocante e Ordo di Abogadonan di Aruba, bishita e website www.ova.aw.
