ORANJESTAD (AAN); Den fin di siman a yega na Panama, Presidente di Comite Olimpico Arubano (COA) Señora Wanda Broeksema,
pa asina forma parti di e Weganan Panama2026. Banda di ta Presidente di COA, Wanda ta miembro di e comision ehecutivo di ODESUR cu ta organiza e Weganan aki.
Pa e evento aki el a forma parti di e comision cu a percura pa e Weganan ta di e bon nivel y pa tur cos ta cla pa ricibi e mas di 2000 atleta y e resto di e delegacionnan.
Secretaria General di COA Señora Nicole Hoevertsz tambe ta na Panama pa apoya TEAMARU, pero alavez ta cumpli cu un otro tarea importante, unda e lo representa e presidente di Comite Olimpico Internacional (IOC) den su capacidad como IOC member.
COA ta desea Wanda y Nicole hopi exito den nan tareanan aki na e Weganan Panama2026, y ta mustra cu banda di nos talento deportivo, nos dirigentenan local tambe ta traha duro den bienestar di deporte na nivel regional y internacional
