ORANJESTAD (AAN): E team di Aruba Soccer Academy, conoci como ‘Aruba ELITE Team’, a sali recien rumbo pa Kissimmee na Florida, unda nan ta participa den torneo di futbol yama ‘Orlando Cup’.
Na Florida, e team aki di Aruba ELITE Team lo hunga 3 wega, e prome contra di Big Sun YSL Ocala, e di dos contra di Florida Kraze Krush y e ultimo contra di Florida Premier. Esnan interesa na Aruba, por sigui e campeonato via Baller TV.
Elite ASA team,U-11/ U-12, bao guia di leidster coach Angelique Croes, y demas coachnan tambe, ta dedica na e muchanan pa Aruba bay semper nechi, uniform nan profesional pa representa Aruba den tur viahe.
E muchanan di Aruba a train cu hopi consistencia, disciplina y entusiasmo pa e dia aki y awor e ELITE Team di Aruba Soccer Academy ta cla pa representa Aruba.
Deporte ta un parti esencial pa forma hoben nan cu respet y ambicion. ASA ta gradici tur mayor, coaches y sponsor cu ta e motor tras di cada mucha pa por logra nan soño di representa Aruba cu orguyo.
