Parlamentario Endy Croes (MEP):
ORANJESTAD (AAN): Recientemente, parlamento number 12 cu a huramenta dia 8 di januari ultimo, tabatin algun reunion. E cantidad di reunion ta limita como cu e coalicion Futuro y AVP ta den pleno formacion. Aunke mester bisa cu e matrimonio aki tabatin varios pleito prome cu nan a forma. Ta manera cu nan a divorcia prome cu nan a casa, pero cu hopi ehercicio ta mirando e huma blanco y luz na horizonte.
Wendrick Cicilia a gara Gino Goeloe roncando:
Nos por a tuma nota cu AVP y Futuro tin parlamentario cu 0 experencia y den e fase di “apprenticeship”, pues “training on the job” pa forma nan mes. Alabes nos ta sigui e “body language” di e hobennan cu ta formando coalicion. Wendrick Cicilia su sponser personal y aparentemente “amigo cu derecho” Marko Espinoza ta presente awor den tur reunion den sala di Parlamento.
Marko Espinoza ta un di e sponsernan di Wendrick Cicilia den ultimo eleccion. Puntra mi den conferencia di prensa y mi lo amplia y/of mi lo splica den un reunion publico cu prueba. E “body language” di nan dos ta papia “mil palabra”. Tabata hopi cla durante reunion con e señalnan manera style di indjan di Wendrick Cicilia pa Marko Espinoza tabata bay di un pa otro momento Gino Goeloe a cansa sin hiba ni un palabra y a tira un cabes den pleno reunion.
Consecuentemente nos ta conclui cu nan a “catch” un potret di e partner den coalicion Gino Goeloe roncando durante reunion. For di un “chatgroup” di AVP e potret aki a cuminsa circula y intencionalmente pa e yega cerca MEP. Nos sa cu e trabou di un parlamentario ta uno pisa y tin biaha cansancio por bati na porta, pero como un parlamentario experencia mi no ta kere cu ta na su luga pa e parlamentarionan hoben trata otro di e forma aki. Tin trabou mucho mas grandi pa haci pa Pais Aruba.
Na Futuro y AVP hopi exito den e proximo gobernacion, pero e acto aki di AVP vs Futuro ta “set the tone” di kico nos por spera. Na Gino Goeloe forsa y un conseho gratis pa bo ta pa sosega bon prome cu bo bin trabou.
