Leonardo Figaroa di Partido Direccion Politiea
ORANJESTAD (AAN): Den ultimo eleccion, Leonardo Figaroa a aparece riba lista di Partido Accion21. Awor e ta na mando di un partido nobo, esta Partido Direccion Politiea.
Den un declaracion pa prensa riba e recien desaroyonan rond di Raft, segun Leonardo Figaroa a nota con for di Aruba a sali e expresion cu “Supervision no por bin na luga di Gobernacion”.
Un carta a keda manda pa e commission fiho di relacionan di reino y tur e lidernan di fraccion di Tweede Kamer na hulanda fecha 26 juni 2023. Den e carta lidernan di fraccion MEP y Raiz ta indica cu no mester regla e re-financiamento cu e interes via un rijkswet sino por logra esaki via un ‘leenovereenkomst’ cu tambe lo brinda e siguransa cu gobierno hulandes ta desea pa por paga e fianza aki back. Tambe ta menciona cu ta touch e deficit democratico cu tin den reino y cu finanzas publico ta un ‘landsaangelegenheid’ esey kermen un asunto di gobierno di Aruba, cu su meta tambe ta pa por yega na un finanzas publico duradero.
Kico ta e preocupacion mas grandi: Prome preocupacion ta e hecho cu aunke e 30 miyon ta zona tiki, e tin un effecto y e hecho cu gobierno ta tardando pa djies bisa gobierno cu nos lo accepta pa despues por sinta na mesa cu gobierno hulandes pa por cuminsa negocia un RAFT cu ta functiona pa nos tur ta opta pa keda pospone esaki como consecuencia nos lo mester bay paga e interes na 6-8% cu ta riba e interes di mercado di capital.
Ademas un otro punto ta e hecho cu den e carta cu ta worde manda pa Tweede Kamer, mirando e hecho cu ta tarda mas o menos 24 luna pa un Rijkswet keda cla y trata, hulanda lo brinda e interes na 5,1% pero pa e periode maximo di 24 luna. Esaki kermen cu gobierno por accepta e RAft, bay staten y cambia e LAft incluyendo e normanan cu a keda ancra den e protocol di 2018, pero ta postpone e problema grandi aki pa e siguiente gobierno sin cu Aruba a conoce un solucion real cu lo ta e interes na 3.1%. Esaki sigur lo tin su consecuencianan devastador pa un pobreza nobo structural cu lo keda conoce mas aumento.
Loke mester haci: Como pueblo e ta importante pa nos realisa cu un biaha mas nos lo mira nos representantenan di pueblo tuma un decision cu lo ta importante y lo tin un impacto grandi pa e futuro generacion. Mi a boga y compromete mi mes cu Pais Aruba cu mi lo para primordialmente pa e mas o menos 16- pa 19mil muchanan y hobennan cu falta un bos, cu no tin representacion. Mi ta kere firmemente cu e ta den nan interes pa nos recibi un parlamento cu ta exigi di gobierno pa brinda Hulanda cu un ‘bestuurlijke akkoord’, djey Aruba por sinta na mesa y negocia e miho rijkswet pa Aruba, den e interes y bienestar general di pais Aruba. Mi ta propone na gobierno di Aruba pa cuminsa traha riba un Rijkswet Aruba financieel Toezicht ‘gearubaniseerd’, cu ta percura cu na misa gobierno por dialoga y yega na puntonan cu nos tur por biba cunele. Finalmente, maske con dolor e por ta, pa nos por papia ariba e 250 miyon cu nos ta pagando na interes, gobierno mester demonstra e ehempel y cuminsa reduci su gasto estructuralmente esaki tambe kermen ‘weg schaafen’ busca unda tin fondo cu no por worde justifica na unda esakinan ta worde inverti y libera fondo pa inverti den local Aruba tin mester.
Mi ta desea di por mira un Aruba cu un gobierno unda hunto nos por traha pa alcansa un prosperidad pa saca e tata y mamanan bibando den un probesa nobo cu a keda crea door di mal maneho financiero structuralmente.
Esaki tin como consecuencia cu nos ta biba den un realidad cu Aruba y su pueblo no ta keda garantisa cu e suma di aumento di nos debe nacional annualmente ta keda supervisa.''
