Parlamentario Shailiny Tromp cu critica fuerte riba Gerlien y Mervin den Tripartite:
ORANJESTAD (AAN)—Parlamentario di fraccion di MEP, señora Shailiny Tromp-Lee, den conferencia di prensa di su fraccion, a haci un critica fuerte riba Parlamentario Independiente Gerlien Croes y Parlamentario di AVP, Mervin Wyatt- Ras.
Den cuadro di e Tripartite cu a tuma lugar na Sint Maarten, Parlamentario Tromp-Lee a comparti cu comunidad di Aruba, e decepcion grandi cu el a sinti, como representante, na Sint Maarten.
U n decepcion pasobra un biaha mas e mester a experiencia con un politico Novato, cu ta bisa cu e ta hiba politica nobo, manera señora Gerlien Croes y un politico di taya y experiencia amplio manera nan sa bisa di señora Mervin Wyatt-Ras, no por bisti e pechi di Aruba y a sinti e necesidad pa, riba plataforma internacional, plataforma cu parlamento tin como canal pa nan crea union, nan a bisti pechi partidista, hunta politikeria barata: cu cual meta? Shailiny bi sa, pero e por bisa cu como resultado di nan, sinta na mesa di reunion, na e momentonan ey, di bay sinta ataca gobierno di Aruba, señor Marlin, cu ta dirigi e reunion aki mester a hala atencion di Aruba, y sugeri pa otro biaha atende asuntonan interno na cas, y purba di ta riba un linea ora di atende e plataformanan di tripartite.
Tromp-Lee a bisa cu si di berdad tabata trata di un asunto di urgencia, y cu ta cuadra cu realidad ( e realidad di Wyatt-Ras of di Gerlien Croes) ainda por tabata tin espacio di tolerancia. “Den e caso specifico aki nos tabata trata e aspecto di ‘Belastingstelsel’, con ta atendiendo cu esaki y con nos ta bay reforma esaki, segun Landspakket, y tur e trayectorianan cu nos ta bezig cu ne.
Akinan, mi tin cu bisa e politico novato, tabata tin e curashi di insinua cu Gobierno di Aruba ta hisa benta y sin mas, ta aplica medidanan. Anto mi kier refresca su memoria, cu esaki no ta e caso”, Tromp-Lee a bisa.
El a sigui bisa cu Gobierno, Gabinete Wever Croes-1, desde mitad di 2018 a inicia c u e trayecto y reforma di e Fiscaal-stelsel.
“A sinta cu stakeholders, a prepara y presenta su plannan completo, pa loke ta trata reforma fiscal. Un plan cu a keda traha hunto cu stakeholders. Un plan cu debidamente, a keda analiza y di tur manera atendi. Y, lamentablemente, despues cu fase 1 a keda concretiza y nos ta drenando den fase 2, nan a cuminza cu e fase directo pa sigui despues cu e parti indirecto, y tabata tin e fase 3 pa trata e winsbelasting, etc., pandemia a bati nos porta y a tranca full e implementacion di full e reforma fiscal riba mesa. Pesey mi ta condena e hecho cu ta hunga politica barata den un plataforma asina importante esencial, caminda cu tabata tin netamente pa crea union parlamentario, necesario, pa busca determinacion”, Tromp-Lee a remarca.
