ORANJESTAD (AAN): E tabata hopi bisto pa Partido MEP, y nan a tuma nota con ultimo lunanan MAS y MAS Parlamentario di partido MAS, Señora Gunn tin e corupcion di AVP duro braza.
Benny Sevinger ex Minister di AVP tin un sentencia pendiente Diabierna awor, 14 di april. E sentencia aki ta den cuadro di e caso Avestruz unda Benny Sevinger a comete corupcion di marca mayor mal uzando su poder como ex minister di AVP pa bende masha hopi tereno y asina hunto cu amigonan di cerca a bira miyonario. Mester recorda pueblo cu Benny su amigonan manera Leoncita di Canal 90 (haci mi miyonario), Susebeek (padrastro di Gerlien Croes), Gaby Werleman (ex-candidato di AVP y consehero di Benny) pa nombra algun tur ta meti den e caso di mas grandi den historia di corupcion di pais Aruba. Pesey siman aki, ta un siman determinante pa tanto Benny Sevinger, Mike Eman y AVP.
Locual ta hopi straño ta e silencio di Señora Aquannette Gunn riba e caso aki:
Señora Aquannette Gunn, un politico di panlefi kende te awe no a cuestiona ni caso Ibis, ni caso Avestruz y no kier duna ni sikiera un opinion riba casonan di corupcion di AVP. Prome Minister di Aruba a reta Señora Gunn varios biaha publicamente durante reunion publico momento a trata presupuesto di pais Aruba.
A menciona su nomber y a rete pa E pidi “persoonlijk feit” pa e por vocifera su opinion pa pueblo sa ki banda e ta para. Lamentablemente, Señora Aquannette Gunn a scoge pa keda keto, pasa pa chambon, kita cara baha cabes y no haci uzo di su derecho pa duna un opinion. Minister di Enseñansa y Deporte riba e mesun dia a haci igual.
Durante reunion publico na 4 ocasion a menciona Aquannette Gunn su nomber retando Señora Gunn pa e por duna un opinion riba e corupcion Avestruz y IBIS esta di Benny y Paul ambos ex minister nan di AVP. Igualmente Señora Aquannette Gunn a baha cabes y no kier papia nada di Benny y Paul. Aki por a constata cu Señora Aquannette Gunn ta brasa corupcion y ta prefera di brasa Benny y sinta den su scochi en bes di para pa pais Aruba.
Wel diabierna awo, lo tin veredicto y Señora Aquannette Gunn por conta cu publicamente nos lo bolbe rete riba e asunto aki. Berguensa di mundo momento un representante di pueblo ta brasa corupcion solamente pa sostene oposicion pa trata na mustra un “block” di 10. Esaki ta un politica barata cu Aruba no mester. Politiconan asina ta politico di panlefi y Aquannette ta uno di nan.
Segun MEP, señora Aquannette Gunn no ta hende di palabra y no ta di confia. Na scol mes parce cu nan tabata hopi contento ora el a scoge un otro carera pa subi lista politico. E rason aki nos no na haya sa pakico esnan na e scol tabata asina contento cu Señora Gunn a bay, pero nos lo averigua. Locual si ta fidedigno ta cu Aquannette no ta hende di palabra y no ta di confia. Den partido MAS tur e candidatonan a firma un acuerdo cu nan lider a defini cu esun cu saca mas voto lo drenta Parlamento. Despues di eleccion pueblo a tuma nota con haragan Gunn ta. Solangel candidato number 4 riba lista di MAS a saca 189 voto y ta e di dos “vote getter” di dicho partido. Pues, segun e documento cu Gunn mes a firma ta Solangel mester a drenta Parlamento. Señora Aquannette Gunn a saca apenas 77 voto como number 2. Esta 4114 menos voto cu e candidato prome cune riba lista. Asina mes Señora Gunn a pleita formalmente pa kibra e documento cu e mes a firma pa no reconoce y kier uza e derecho pa e mes drenta Parlamento. Pues, esaki ta papia hopi caba di caracter di un persona. Banda cu Señora Gunn tin corupcion duro brasa, Sra Gunn no ta di confia at all.
