ORANJESTAD (AAN): Durante cu integrantenan di MEP ta bishitando bario pa busca firma contra e Rijkswet,
mester remarca cu den distrito di Paradera, tin hopi malcontento contra Gerlien Croes. E motibonan ta varios, entre otro cu e no ta atende hendenan cu pidi cita, siendo durante campaña si e tabata mustra atencion.
Varios di e personanan cu a vota p’e, awor caba ta arepenti. Pero e motibo principal di e malcontento ta cu e Minister no ta sigui cu e plannan pa e scol MAVO nobo na Paradera. Un scol cu ta hopi necesario pa e hobennan di Paradera cu awor mester bay mas leu pa un scol, sea na Santa Cruz, Noord, Playa y hasta San Nicolas.
Cu un scol den Paradera, lo a facilita bida di e hobennan, y ta mehora calidad di bida di e bario. Ex-Minister di enseñansa Endy Croes a laga haci estudionan cu a demostra cu ta na Paradera mester bin un scol, y nan no ta compronde con Gerlien Croes, kende pa colmo ta biba na Paradera, por ta contra un scol eynan.
MEP ta reconfirma nos compromiso na e pueblo di Paradera di lo sigui lucha, desde oposicion, pa Paradera haya su scol.
