ORANJESTAD (AAN): Max Robert di Partido CURPA tambe ta cla pa Eleccion 2024.
El a splica cu den tur nan e plannan cu nan a elabora pa desaroya San Nicolas, awe na 2024 nan ta mas cu contento cu tur nan plannan pa cu San Nicolas a haya oido den diferente partido. Por mira cu diferente actornan di diferente partido politico ta broma cu e plan a worde traha door di nan, cos cu no ta berdad, haciendonan un politico ehemplar gañado.
Segun Robert, e plan cu Partido CURPA a elabora na aña 2021, titula “Ban Transforma Aruba”, nan a pone hopi enfasis riba San Nicolas, pasobra hopi politico a priminti hopi y no a cumpli. Partido CURPA di otro banda kier a bin cu e plannan aki pa segura San Nicolas un bida husto, digno y realistico.
Pa e biaha aki nan kier atrobe pone un plan realistico riba mesa cu lo impacta San Nicolas y Aruba henter. E plan aki nan ta yame “Perspectiva San Nicolas Part 1”.
El a splica cu un di e prome puntonan riba e agenda ta pa mehora e eficiencia di Clinica ImSan. Den otro palabra, ban elimina lista di espera. No por ta asina cu tin tanto specialista di wowo y asina mes tin tanto espera y negligencia, casi nos por bisa mal servicio y discriminacion.
Ora nan resolve esaki, Aruba por enfoca riba turismo medico pa Caribe, caminda e isla por genera ingreso pa Pais Aruba y asina San Nicolas por sinti e progreso directo pa por desaroya faciliidadnan pa cu e bishitante y pashent.
Encuanto Radioterapia, y su propaganda pa region, Partido CURPA si ta kere cu un PET Scan ta realisabel, pero cu transparencia desde comienso.
Cuanto pashent di Cancer tin den Caribe, y tur ta bay Colombia pa un PET-Scan. E pensamento di Partido CURPA ta pa ubica esaki na na San Nicolas, na San Nicolas no kier men na ImSan. Ora bo pone mucho cos grandi hunto, bo por core riesgo cu e ta bay robes.
Na Curaçao tin rond di 1.000 pashent di bestraling pa aña, tur lo mester haya un PET na comienso y durante tratamento. Mayoria pashent di Caribe ta bay Colombia pa Radiotherapia caminda cu tin un distancia den cultura, mientras cu nos cultura ta uno caribense.
Cada PET ta costa rond di $4.000. Na Aruba tin rond di 350 Pashent di Radioherapia pa aña, unda nan derecho riba un PET-scan a keda?
Nos ta den Reino Hulandes, si na Hulanda un pashent di Cancer tin derecho riba un PET-scan, y unda esun di nos a keda? Segun Robert, e inversion di un PET-scan lo costa 5 Miyon Florin. E ta kere cu Partido CURPA lo logra desaroya esaki, y asina ta cuminsa diversifica economia.
Un ehemplo: Un PET-scan pa patient for di Curaçao: 1000 x 2 x $4000 = $8.000.000 pa aña (Fo;i Curaçao solamente, corda ariba e otro paisnan den Caribe.)
Implementando esaki nos por cuminsa cu desarollo sostenibel pa nos pais y San Nicolas en especial.
Un manera mas pa bisa cu Partido Curpa si tin e hende central y Aruba na curazon.
