“HTC no kier wak otro corupcion den gobierno”

Lider Gilbert Webb:

ORANJESTAD (AAN) – Diabierna 18 di October awo, e partidonan politico cu lo participa den e eleccion di Parlamento di Aruba, dia 6 di December proximo, a entrega nan lista di candidato.

Prome partido cu a entrega ta partido H.T.C., cu 4 candidato:

Gilbert Webb a funda partido HTC, “Hubentud Treciendo Cambio” na 2020 y di e manera aki a participa pa prome biaha den eleccion parlamentario na aña 2021. Cu un total di 6 persona riba lista, HTC a logra un total di 249 voto.

Ayera el a entrega un lista cu solamente 4 candidato:

1. Gilbert Webb
2. Victor Rosario
3. Lino Croes
4. Roberto Tromp.

            Gilbert Webb, lider di HTC a declara cu e screening a bay super bon, e candidato number 4 a  pasa su screening na ultimo momento. El a expresa cu partido HTC no kier mira otro corupcion den Gobierno.