Evelyn Wever Croes den reunion cu Secretario di Estado:
ORANJESTAD (AAN): Diamars den Parlamento den un reunion cu Secretario di Estado Eric van der Burg, Lider di fraccion di MEP Evelyn Wever-Croes a papia entre otro riba e tema di ley di reino HOFA. E Secretario di Estado a trece padilanti pakico e ta kere cu e ley di reino aki ta bon pa Aruba, pasobra e ta trece beneficio financiero si nos paga menos interes.
“Ami a trece padilanti pakico mi ta kere cu e ley di reino HOFA, no ta bon pa Aruba. Pasobra, berdad di un banda e por nifica cu nos ta paga menos interes, pero e riesgo di e ley aki ta cu e ta frena nos crecemento socio economico na Aruba y esey ta algo hopi serio.
Es mas, e efectonan y riesgo ta hopi mas pio cu e poco interes cu bo por scapa. Y e no por a descarta e riesgonan ey. Pues tanto bal bo paga menos interes, si di otro banda bo economia wordo frena. Ta pio bo ta para. E ley di HOFA a wordo firma caba door di e gobierno di AVP Futuro, y e Secretario di Estado a confirma esaki. Pero nos sa ki caminda pa cana, y nos ta bay cana e caminda ey, pa percura cu e ley di reino aki no bira realidad.
Awe den reunion e Secretario di Estado a duna nos algun informacion adicional, informacion cu nos gobierno no ta duna nos. Y awor nos sa tambe mas caminda pa cana. Kiermen, no preocupa nos lo sigui haci nos maximo esfuerso pa e ley di reino aki, apesar cu gobierno di AVP Futuro a firme caba, no bira un realidad, pasobra e no ta bon pa Aruba” lider di fraccion Evelyn Wever-Croes a finalisa bisando.
{gallery}HOFA no ta di acuerdo cu loke nos a acorda na 2024, y HOFA no ta bon pa aruba{/gallery}
