ORANJESTAD (AAN): Gobierno a manda e ley pa trese cambionan den presupuesto 2025.
E ley ta propone algun cambio pero no ta duna informacion pa substancia e cambionan. Pa e motibo ey, cumpliendo cu su tarea den Parlamento Fraccion di MEP a presenta 842 pregunta riba e cambionan den presupuesto.
E preguntanan ta basa riba e tarea di control y di proteha interes di pueblo di Aruba.
“Nos ta spera cu e gobierno nobo cuminsa tuma su responsabilidad na serio y duna contesta completo y debido na e preguntanan hasi. E gobierno, cu no ta ni completo ainda, a cuminsa cu masha mal pia. Nos fraccion so a hasi mas di 700 pregunta cu no a wordo contesta ainda. Falta di transparencia ta un falta di respet pa Parlamento, pero principalmente e falta di liderazgo den tur sentido di palabra, ta un falta di respet pa henter e pueblo.
Fraccion di MEP ta insisti cu e Parlamento mester wordo trata cu seriedad, y cu cada miembro di e gobierno tin un obligacion constitucional pa duna cuenta. Fraccion di MEP ta alerto, y ta sperando cu e silencio di e gobierno Eman-Croes no bira norma
