Gerlien Croes, lider di Partido FUTURO:
ORANJESTAD (AAN) – E lider di Partido Politico FUTURO, Gerlien Croes, ora el a eherce su voto na 12'or di merdia na Scol Primario Kudawecha a expresa cu anochi e resultadonan lo mustra cu pueblo kier algo nobo, den nos dushi Aruba.
Gerlien a campaña bishitando hopi cas den nos comunidad, y esey ta inspir’e dia pa dia mas, el a expresa. “Pasobra nos tin cu sigui lucha riba e pais aki. “Pasobra nos mester recorda di unda nos a sali, y e humildad cu nos tin como Arubiano, mester lidera e decision di awe”, Gerlien a indica.
El a señala cu locual el a wak bishitando di cas pa cas, a duna nan e forza pa sigui pusha y mustra cu Aruba por miho y cu awe ta un etapa nobo.
