Esaki Gerlien Croes y Rycond Dijkhoff ta defende
ORANJESTAD (AAN): Secretario General di MEP Sr. Endy Croes ta splica cu a tuma su tempo pero poco poco pero sigur Ministerio Publico ta atendiendo cu casonan gigantesco di corupcion di x ministernan di AVP.
Paul Croes, ex minister di AVP recien a worde condena den un otro caso di corupcion pa cu permiso di trabao esta caso IBIS unda 3 hues den hoge beroep a condene na 4 aña di prison. Pues ta den sanger di AVP corupcion ta core y ta di lamenta cu te hasta un Alto Inspector y Hefe di Recherche manera Robert Candelaria segun informacion a worde soborna pa subi lista si AVP na 2017, a sostene Benny te final pa despues Benny dal E un scop drenta Parlamento na su lugar lagando Candelaria sin salario.
Tur esaki cu bendicion di Mike Eman kende a grita 19 di Juni 2021 den campaña “Hamas vote para yo mismo, siempre vote por Benny Sevinger y voy a votar otra vez para Benny Sevinger”.
Caso historico di Benny Sevinger dilanti mesa berde dialuna mainta:
Dialuna mainta 830 am e caso “Avestruz” di Benny Sevinger x minister di AVP lo ta dilanti mesa berde. Manera ta conosi cu desde Februari 2018 a entrega un keho official na Ministerio Publico hopi bon documenta cu corupcionnan masal den otorgamento di tereno.
Pruebanan manera esun di Deshaun N.V. unda 5540m2 di tereno comercial a worde otorga na un empleada di Leoncita Arends. Carta ta traha riba fecha 20 di Augustus 2015, Benny su oficina ta stempel e carta cu kantoor a ricibie 7 di Augustus 2015 (pues 13 dia promer cu e carta a worde traha), despues Benny ta firma “Akkoord gaarne Uw medewerking” y Benny ta pone fecha cu su handschrift 14 Augustus 2015, (6 dia promer cu e carta a worde traha), despues oficina di Benny a pone un stempel fecha 14 di Augustus 2015 cu e carta a sali for di nan kantoor.
E amiga empleada di Leoncita Arends a firma e peticion como Director di Deshaun Development VBA. Ora mira e fecha cu e compania Deshaun Development VBA a worde lanta ta constata cu esaki a worde lanta 30 di September 2015 esta mas cu un luna despues cu e peticion a bay pa Benny te cu Benny a firma pa nan haya e tereno.
Ora lesa e statutonan por constata cu Leoncita Maria Arends tin 100 aandelen y ta doño di e compania aki. E tereno aki despues a worde bendi na 2016. Aki e comisionnan grandi tabata core. Asina e modus operandi tabata ta y un grupo previlegia tabata haya tur sorto di “opties” riba terenonan comercial pa haci negoshi y bira rico cu patrimonio di pueblo cu cooperacion y consencia di Benny Sevinger e gran amigo di Mike Eman.
Gerlien Croes y Rycond Dijkhoff na defensa di e corupcion di AVP:
Ta e tipo di fraude y corupcionnan aki Gerlien Croes y Rycond Dijkhoff ta defende den Parlamento cu alma y cuerpo. Awor Rycond kier kita atencion di e caso di Benny purbando di tira riba Mandatario Croes cu un rapport di E&Y di 11 aña pasa cual rapport (3) hues den Hoge beroep y (5) Hues den Cassatie a vernietig declarando den ambos vonnis cu prueba cu E&Y a comete un onrechtmatige daad jegens Croes y pa esaki ta den corte back contra E&Y actualmente pa cobra un daño.
Lo ta bon pa pueblo mes sigui e caso “highprofile” di Benny Sevinger Parlamentario di AVP kende ta den corte Dialuna mainta.
