Parlamentario Evelyn Wever-Croes
*Liderasgo fuerte nos falta den nos pais
ORANJESTAD (AAN): Parlamento a reuni cu CMO riba e impacto di e situacion reinante na Venezuela. Ta trata di un reunion “besloten”, pues cu no por comunica informacion duna den e reunion. Por constata cu CMO ta bon prepara, cu diferente scenario elabora.
“Mi ta hopi orguyoso di mira cu e fundeshi fuerte cu nos a traha cu CMO, awe ta yudando nos asina bon.
Durante e crisis di COVID-19 CMO, e tempo ey BRA, a hunga un papel hopi importante, y pesey nos gobierno a pone prioridad cu e poco fondo cu tabata tin, pa empodera e instituto. Nan a sigui varios training, y hasta ta train otronan den Reino.
Nos por ta sigur cu nos tin e mihor CMO pa yuda nos den e crisisnan aki. Pues, por constata cu di e barco cu yama Aruba, e “matroosnan” ta prepara. Nan a indica cu mester di mas fondo pa por ta mihor prepara, pero den e presupuesto 2026 gobierno no a aloca mas fondo.
Di parti di fraccion di MEP, nos a segura nan cu, awor cu tin placa, nos lo pone presion riba gobierno pa aloca mas fondo. Loke si falta ta liderasgo den nos pais, liderasgo di e opperbevelhebber, Mike Eman. Su falta di transparencia y di comunicacion, ta causando mas panico cu ta trece trankilidad. E no ta refleha e lider cu ta “den control” den e crisis aki. Ohala berdad nos mira cambio den esaki pronto, pasobra Aruba merece mihor” Lider di fraccion Evelyn Wever-Croes a duna di conoce.
