ORANJESTAD (AAN): E dama Abigael Arends, kende den eleccion pasa a aparece riba lista di Partido AVP, ta opina cu ‘hiba combersacionan sano y yega na solucion’ cu lo por beneficia tur dos banda.
Nos conoce esaki como dialoga den otro palabra combersa mas den nivel politico.
Segun Arends, ora ta trata di un dialogo pa e bienestar comun ta rekeri hopi di tur esnan envolvi pa asina por ta liber pa expresa loke nan ideologia ta. Esaki ta hopi importante pa compronde e dialogo entre 2 of mas persona.
E problema mas grandi cu nos tin na Aruba generalmente ta cu hopi hende tin mecha cortico, y no tin e pasenshi pa sinta y compronde otro of tin e dialogo necesario pa asina por yega na un comprondemento pa ambos ta satisfecho cu esaki.
Hopi biaha ta usa e dicho “Mientras 2 cacho ta bringa pa un weso, e di 3 ta evalua e situacion y ta bay cu ne”. Nos no ta realisa cu mas desunion existi den un pais, mas nos ta kibrando nos mesun hendenan. Otro cu si a tuma su tempo, analisa e situacion, haya experiencia, ta bin y bay cu e solucion asina facil, mientras nos ta sigui bringa otro.
Ora pueblo ta canta añanan largo, nos ta bay gobierno pero tur papel ta pega, ora nos bay cualkier departamento di gobierno nos casonan no ta cana, Pueblo tabata expresa pero nada ta worde haci.
Gobierno no sa cuanto hende a worde perhudica añanan largo, cu awor nos ta mirando hopi desaroyo repentinamente cu a sa di hiba cu ne situacionnan amargo pa hopi, pero a sa di duna hopi cu no tin pan riba mesa of cuminda pa nan por sigui dilanti, a sa di por trece famianan hunto pa asina yuda otro y trata otro manera ruman, loke hopi di nos a lubida cu mientras nos tur ta biba riba mundo, nos tur tin e tarea pa duna man na esun cu no por yuda su mes, pa guie pa asina por alcanza su metanan, maske ta visible of invisiblemente.
Esnan cu ta actua cu maldad cu fin di haci daño na e otro lo ta uno cu lo mira e caida di nan imperio, mientras esnan cu ta limpi di curason y actonan bondadoso lo worde corona pa nan bon gestonan of awendia yama tambe servicio.
Mientras hopi ta fada di e mesun gobierno, sea ta AVP of ta MEP, y otro ta bin cu e slogan “nan no ta pertenece na nan”. Realidad ta cu ta tuma tempo y nos hendenan ta prefera gobernashon cu a traha pa henter comunidad, a mira esaki den bista, a yuda hende cu trabao, primordialmente tur Arubiano tabata tin trabao, entrada pa tur hende y Aruba tabata prospero.
Si nos ta mira internacionalmente, casonan miyonario cu hendenan a bay sera pa haci malversacion di fondo, nos tin cu mira mas leu y yuda proteha nos hendenan cu por ta inocente y pa actonan di tentacion y di bon curason ta cay den nan trampa.
Pa añanan largo nos sa di e fechorianan cu ta worde haci, weganan sushi cu ta worde haci tras di cortina, bou mesa, nos por mira campañanan con limpi of sushi esaki ta worde haci.
Nos hendenan ta cansa di por ta sobreviviendo cu hopi dificultad, pero ta haciele cu amor pa otro y semper tin solucion pa un mihor bida pero ta rekeri nos tur den e hornada aki.
Abigael Arends ta na Aruba un Personal Coach, Corporate Development & Communications Specialist.
